ვებგვერდი მუშაობს სატესტო რეჟიმში
ⓘ ფასები მითითებულია ლარში. დასაზუსტებლად დაგვიკავშირდი: 032 269 03 46
სანამ მოხვალ
როგორ მოვემზადო ანალიზისთვის
სწორი მომზადება ზუსტი შედეგის პირობაა. ქვემოთ ზოგადი წესებია; თუ ექიმმა ან ლაბორატორიამ სხვა მითითება მოგცა, მიჰყევი მას.
სისხლის ანალიზი
- სისხლი ჩააბარე დილით, უზმოზე — ბოლო კვებიდან 8–12 საათის შემდეგ. წყლის დალევა შეიძლება.
- წინა დღეს მოერიდე ცხიმიან საკვებს, ალკოჰოლსა და მძიმე ფიზიკურ დატვირთვას.
- ანალიზამდე ერთი საათი არ მოწიო.
- სისხლის აღებამდე 10–15 წუთი მშვიდად დაისვენე.
- თუ შაქრიანი დიაბეტი გაქვს, უზმოზე ყოფნის წესი ექიმთან შეათანხმე.
ჰორმონები
- ჰორმონებზე სისხლი, როგორც წესი, დილით ბარდება.
- ზოგი ჰორმონი ციკლის გარკვეულ დღეს ისაზღვრება — დღეს ექიმი გეტყვის.
შარდის ანალიზი
- შეაგროვე დილის პირველი შარდის შუა ულუფა სუფთა, აფთიაქში შეძენილ კონტეინერში, ჰიგიენური დაბანის შემდეგ.
- ნიმუში ლაბორატორიაში მიიტანე 1–2 საათში.
- მენსტრუაციის დროს შარდის ანალიზის ჩაბარება არ არის რეკომენდებული.
განავლის ანალიზი
- ნიმუში შეაგროვე სუფთა კონტეინერში ისე, რომ მასში შარდი ან წყალი არ მოხვდეს.
- ნიმუში ლაბორატორიაში იმავე დღეს მიიტანე.
მედიკამენტები
- თუ მუდმივად იღებ მედიკამენტებს, თვითნებურად ნუ შეწყვეტ — წინასწარ ჰკითხე ექიმს.
- ანალიზის ჩაბარებისას თქვი, რა მედიკამენტებს იღებ.
ბავშვები
- ჩვილებსა და მცირეწლოვან ბავშვებს ხანგრძლივი შიმშილი არ სჭირდებათ — მომზადების წესს ექიმი გეტყვის.
ⓘ შეკითხვის შემთხვევაში დაგვირეკე: 032 269 03 46
მარტივად და სწრაფადდაჯავშნე ვიზიტი ონლაინ
მოითხოვე ვიზიტი ლაბორატორიაში შენთვის სასურველ დროს.
დაჯავშნა →
